Wednesday, January 20, 2016

ചെന്നായ

ചെന്നായയ്ക്ക് ദാഹം തോന്നി .ശരീരം തളര്‍ന്നു കിടപ്പിലായ അമ്മ കൈകള്‍ കൊണ്ട് വെള്ളത്തിനായി കൈകള്‍ നീട്ടി .ചെന്നായ അത് ശ്രദ്ധിക്കാന്‍ കൂട്ടാക്കിയില്ല .

ആദ്യം തന്റെ ദാഹം പിന്നെ അമ്മ .അവനോര്‍ത്തു .

ദാഹം ശമിപ്പിക്കാന്‍ അവന്‍ ഇരുണ്ട തെരുവിലോക്കോടി .

ഒരു ഇളം മാന്‍ .

കിതപ്പ്...ദാഹം.....

ഒരൊറ്റ ചാട്ടത്തില്‍ തന്നെ കീഴ്പ്പെടുത്തി .ജീവിതത്തിനു വേണ്ടി പിടഞ്ഞു ഇര...വേട്ടക്കാരന് കീഴ്പ്പെടുത്താനുള്ള വ്യഗ്രത മാത്രം .

പിടച്ചിലുകള്‍!! രോദനങ്ങള്‍ .!! ഒടുവില്‍ .........

കടിച്ചു കീറി.രക്തം തുള്ളികളായി തെരുവില്‍ വീണു .ദാഹം ശമിക്കപ്പെട്ടു .കടിച്ചു കീറപ്പെട്ട ഇര വേച്ചു വേച്ച് വേശ്യാ തെരുവില്‍ എത്തപ്പെട്ടു .വേട്ടക്കാരന്‍ സ്ത്രീസംരക്ഷണത്തെക്കുറിച്ച് പ്രഭാഷണം നടത്തുവാന്‍ സാംസ്കാരിക സംഘടനയുടെ വേദിയിലേക്ക് ചെന്നു.രാത്രി പാതി കഴിഞ്ഞു പോയി .പ്രഭാഷണം കഴിഞ്ഞു വീട്ടിലെത്തി ..

അമ്മ കിടക്കുന്നു .വെള്ളം കിട്ടാതെ ദാഹിച്ച് ദാഹിച്ച്....

ചെന്നായയ്ക്ക് കണ്ണില്‍ ഇരുട്ട് കയറുന്നതുപോലെ തോന്നി ...

അമ്മയ്ക്ക് വേണ്ടി ആരോക്കൊയോ മൂവാണ്ടന്‍ മാവ് മുറിക്കുവാന്‍ ചെന്നു..

ആ മാവിന്റെ കൊമ്പില്‍ തൂങ്ങിയാടുന്നു ..ചെന്നായ...

സൂക്ഷിച്ചു നോക്കൂ...ചെന്നായ മനുഷ്യനായി കഴിഞ്ഞു ..



No comments:

Post a Comment